Relationships Tamasha

kya aap bata sakte hain aap sabse jyada confuse kab hote hain.....main jaanti hun aapke paas bahut saare jawab honge jaise ki ,while shopping ya choosing carrier ya making friends etc.,but ek aur bahut hi important part hai humare life ka janha hum sabse jyada confuse hote hain aur wo hai RELATIONSHIP....yanha par main kisi ek relationship ki baat nahi kar rahi hun, balki main har uss rishte ki baat kar rahi hun jise perfect banane ke liye aur usme fit hone ke liye hum din raat koshish karte rahte hain, aur yanha tak ki khud to badalne ki bhi koshish karte hain, aur agar successful ho jate hain to bahut achchi baat hai, aur agar fail huye to khud par question mark lag jata hai...ishiliye life ka ye part itna confusing hai,,,kyunki ishme varieties bahut hain.

Relationship ke success aur failure dono ke baad fir se new challenges face karne hote hain aur har baar ye level hard to harder hote jate hain, kyunki agar koi kisi relationship me fail hai to bhi har din naye challenges hain aur agar koi successful hai to uss par uss relationship ko barkarar rakhne ki responsibility hai aur har din ek naya challenge hai....to fir hume kya karna chahiye ,hum har taraf relationships se ghire huye hain , rishte nibhna to chor nahi sakte aur har rishte me hum fit bhi nahi aa sakte ...bilkul yahi samjhnane ki koshish kar rahi hun main ki hume rishte to nibhane hai par khud ko tod marod ke nahi , aap jaise hain waise hi rahen aap insaan hain bhagwan nahi , aap har rishte ke according khud ko badal nahi sakte aur agar aap aisa karne ki koshish karte hain to aap khud ko kho hi dete hain saath hi saath aap un rishton ko bhi khone lagte hain jinke liye aap badalne ki koshish kar rahe hain.

Relationships life ko convenient banane ke liye aur hume ek nayi disha dene me help karte hain, aur agar aap ish baat ko nahi samajh paye hain to kuch der shaant baithiye aur sochiye, kyunki life har kisi ko doosra mauka jaroor deti hai, har rishte ki respect bhi utni hi jaroori hai jitna kisi relation ko nibhana...aur agar pyar se baat ban jaati hai to kya baat hai, kabhi kabhi thoda jhuk jana bhi galat nahi hai, par khud ko badalna ya khud ki hobbies ya wishes ko kisi relation ke liye dabana bahut galat hai....kyunki ek rishta aapka apne aap se bhi hai ushe bhi nibhayen aur khush rahen...

Thank you